ഹൈദരാബാദ് : തെലങ്കാനയിലെ രാമോജി ഫിലിം സിറ്റിയില് യുഎസ് സോഫ്റ്റ്വെയര് കമ്ബനിയുടെ രജതജൂബിലി ആഘോഷങ്ങള്ക്കിടെയുണ്ടായ അപകടത്തില് ഇന്ത്യക്കാരനായ സിഇഒയ്ക്ക് ദാരുണാന്ത്യം. കമ്ബനിയുടെ പ്രസിഡന്റിനെ ഗുരുതരാവസ്ഥയില് ആശുപത്രിയില് പ്രവേശിപ്പിച്ചു. വിസ്ടെക്സ് ഏഷ്യ-പസിഫിക് പ്രൈവറ്റ് ലിമിറ്റഡ് എന്ന കമ്ബനിയുടെ ഇല്ലിനോയിസ് ആസ്ഥാനമായി പ്രവര്ത്തിക്കുന്ന സിഇഒ സഞ്ജയ് ഷാ (56) ആണ് മരിച്ചത്. കമ്ബനിയുടെ പ്രസിഡന്റ് വിശ്വനാഥ രാജു ദത്തിയ ഗുരുതരാവസ്ഥയിലാണ്. വൈകീട്ട് 7.40നായിരുന്നു അപകടം. ആഘോഷം തുടങ്ങുന്നതിന് മുമ്ബ് ഇരുവരെയും ഇരുമ്ബു കൂടിനുള്ളില് മുകളില്നിന്ന് സ്റ്റേജിലേക്ക് ഇറക്കുന്നതിനിടെയാണ് അപകടം. ഒരുവശത്തെ ഇരുമ്ബ് കയര് പൊട്ടിയതോടെ ഇരുമ്ബ് കൂട് ചെരിയുകയും 15 അടി ഉയരത്തില്നിന്ന് ഇരുവരും അതിവേഗത്തില് ശക്തിയായി കോണ്ക്രീറ്റ് തറയിലേക്കു വീഴുകയുമായിരുന്നു.
ഇരുവരെയും ഉടന് തന്നെ ആശുപത്രിയിലേക്ക് മാറ്റിയെങ്കിലും ഷായുടെ ജീവന് രക്ഷിക്കാനായില്ല. മുംബൈ സ്വദേശിയായ ഷാ, 1999ലാണ് വിസ്ടെക് കമ്ബനി ആരംഭിച്ചത്. 1600 ജീവനക്കാരുള്ള കമ്ബനിയുടെ വരുമാനം 300 ദശലക്ഷം ഡോളറാണ്. കൊക്കക്കോള, യമഹ, സോണി, ഡെല് തുടങ്ങി വമ്ബന് കമ്ബനികള് വിസ്ടെക്കിന്റെ ഇടപാടുകാരാണ്. ഹൈദരാബാദിന് പുറമേ യുഎസ്, കാനഡ, മെക്സികോ, യൂറോപ്പ്, ആഫ്രിക്ക എന്നിവടങ്ങളിലും കമ്ബനി പ്രവര്ത്തിക്കുന്നുണ്ട്.
