സ്റ്റീവനേജ്: ഹർട്ഫോർഡ്ഷെയർ കൗണ്ടിയിൽ കുട്ടികൾക്കും മുതിർന്നവർക്കും ഷട്ടിൽ ബാഡ്മിന്റണിൽ പരിശീലനവും മത്സരങ്ങളും വേദികളും ഒരുക്കുന്നതിൽ പ്രശസ്തരായ റോയൽസ് സ്റ്റീവനേജ് ബാഡ്മിന്റൺ ക്ലബ് അഖില യുകെ തലത്തിൽ സീനിയേഴ്സിനായി ഓപ്പൺ ഷട്ടിൽ ടൂർണമെന്റ് സംഘടിപ്പിക്കുന്നു. ഒക്ടോബർ 24ന് സ്റ്റീവനേജിലെ സെന്റ് ജോൺ ഹെൻറി ന്യൂമാൻ സ്കൂളിന്റെ ഇൻഡോർ സ്റ്റേഡിയത്തിലാണ് ടൂർണമെന്റ് നടക്കുക. യുകെയുടെ വിവിധ ഭാഗങ്ങളിൽ നിന്നുള്ള സീനിയർ താരങ്ങൾക്ക് കളിക്കളത്തിൽ മാറ്റുരക്കുവാനും തങ്ങളുടെ കഴിവുകൾ പ്രദർശിപ്പിക്കുവാനും അവസരമൊരുക്കുകയാണ് ടൂർണമെന്റിന്റെ ലക്ഷ്യം. 50 വയസോ അതിൽ കൂടുതലോ പ്രായമുള്ള വനിതാ – പുരുഷ താരങ്ങൾക്കായാണ് മത്സരം ഒരുക്കിയിരിക്കുന്നത്. സിംഗിൾസ് വിഭാഗത്തിൽ 50 പ്ലസ് പ്രായമുള്ള താരങ്ങൾക്ക് പങ്കെടുക്കാം. ഡബിൾസ് വിഭാഗത്തിൽ മത്സരിക്കുന്ന താരങ്ങളുടെ ആകെ പ്രായം കുറഞ്ഞത് 100 വയസായി നിജപ്പെടുത്തിയിരിക്കുകയാണ്. ആകർഷകമായ പ്രൈസ് മണി സമ്മാനമായി നൽകുന്ന ടൂർണമെന്റിൽ ആദ്യം പേരുകൾ രജിസ്റ്റർ ചെയ്യുന്ന കുറച്ചു കളിക്കാർക്കുകൂടി അവസരമുണ്ടെന്നു സംഘാടകർ അറിയിച്ചു. https://forms.gle/4FnAj8PLsBoCPGry8.ഏറെ ആവേശകരമായ മത്സരങ്ങൾക്ക് സാക്ഷ്യം വഹിക്കുവാനും കായിക താരങ്ങൾക്ക് പ്രോത്സാഹനം നൽകുവാനും എല്ലാ കായിക പ്രേമികളെയും സസ്നേഹം സ്വാഗതം ചെയ്യുന്നതായി സംഘാടകർ അറിയിച്ചു.
കൂടുതൽ വിവരങ്ങൾക്കും രജിസ്ട്രേഷനും: ലോറൻസ് – 07925 916223, മാത്യു – 07475 686408.
രജിസ്ട്രേഷൻ: https://forms.gle/4FnAj8PLsBoCPGry8.
വേദി: St John Henry Newman Catholic School, Hitchin Road, Stevenage, SG1 4AE.
