ന്യൂഡൽഹി : ഇന്ത്യയുടെ പുതിയ പ്രതിപക്ഷ പാർട്ടികളുടെ അടുത്ത യോഗം ഓഗസ്റ്റ് 25-26 തീയതികളിൽ മുംബൈയിൽ നടക്കും. ബംഗളൂരുവിൽ നടന്ന പ്രതിപക്ഷ പാർട്ടികളുടെ അവസാന യോഗത്തിലാണ് യോഗത്തിന്റെ വേദി പ്രഖ്യാപിച്ചിരുന്നതെങ്കിലും തീയതി തീരുമാനിച്ചിരുന്നില്ല. യോഗത്തിന്റെ അജണ്ട ഒരു പൊതു മിനിമം പരിപാടിയായിരിക്കും. കഴിഞ്ഞ യോഗത്തിൽ പ്രതിപക്ഷ നേതാക്കൾ ഇക്കാര്യം സൂചിപ്പിച്ചിരുന്നു. മുംബൈയിൽ 11 അംഗ കോർഡിനേഷൻ കമ്മിറ്റി രൂപീകരിക്കുമെന്ന് കോൺഗ്രസ് അധ്യക്ഷൻ മല്ലികാർജുൻ ഖാർഗെയും പറഞ്ഞിരുന്നു.
