വനിമോ (പാപുവ ന്യൂഗിനി): പാപ്പുവയിലെ വിദൂര ഗ്രാമത്തിലെ ജനങ്ങളെ കാണാന് ചരക്കു വിമാനത്തില് സഞ്ചരിച്ച് മാര്പാപ്പ. തെക്കു പടിഞ്ഞാറന് പസിഫിക് ദ്വീപ് രാഷ്ട്രമായ പാപുവ ന്യൂഗിനിയിലെ വിദൂര പ്രദേശമയ വനിമോയിലെ വിശ്വാസ സമൂഹത്തെ കണാുന്നതിനായി പോര്ട്ട് മോസ്ബിയില് നിന്ന് സൈന്യത്തിന്റെ സി-130 ചരക്കുവിമാനത്തില് 1000 കിലോമീറ്റര് സഞ്ചരിച്ച് ഫ്രാന്സിസ് മാര്പാപ്പയെത്തി. വളരെയേറെ ദുരിതമനുഭവിക്കുന്ന ഈ മേഖലയിലെ ആളുകളെ നേരില് സന്ദര്ശിച്ച് മരുന്നും അവശ്യ സാധനങ്ങളും മാര് പാപ്പ വിതരണം ചെയ്തു.
വനിമോയിലേത് ചെറിയ വിമാനത്താവളമായതുകൊണ്ടും വീല്ചെയര് ഉയര്ത്തുന്നതിനുള്ള ആംബലിഫ്റ്റ് ഇല്ലാത്തതുകൊണ്ടുമാണ് മാര്പാപ്പയ്ക്ക് ചരക്കുവിമാനത്തില് സഞ്ചരിക്കേണ്ടിവന്നത്.
റോയല് എയര്ഫോഴ്സിന്റെ എയര് കാര്ഗോ സി-130 ലായിരുന്നു മാര്പാപ്പ ഈ മേഖലയിലേക്ക് സന്ദര്ശനത്തിനായി പോയത്.
കുട്ടികള്ക്കുള്ള കളിപ്പാട്ടങ്ങളും മാര്പാപ്പ കൊണ്ടുവന്നു നല്കി . വമിനോ പട്ടണത്തിലെ കത്തീഡ്രല് മൈതാനത്ത് മാര് പാപ്പയെ കാണാന് 20000 ത്തോളം ആളുകള് എത്തിയിരുന്നു.
വമിനോയിലെ പ്രാദേശീക മിഷനറീസായ കാത്തലിക് ഇന്സ്റ്റിറ്റ്യൂട്ട് ഓഫ് ദി ഇന്ക്രാനേറ്റ് വേള്ഡിന്റെ ക്ഷണം സ്വീകരിച്ചാണ് മാര് പാപ്പ ഇവിടെ എത്തിയത്.
