കാൻബറ : വിദേശികള്ക്കും ഓസ്ട്രേലിയൻ പ്രതിരോധസേനയില് അവസരം. സർക്കാരിന് ആഗോളതലത്തില് വർധിച്ചുവരുന്ന ഭീഷണി നേരിടാൻ പ്രതിരോധമേഖലയെ ശക്തിപ്പെടുത്തണമെന്നു ആഗ്രഹമുണ്ട്. എന്നാല്, സേനയില് ചേരാൻ ആളില്ല. ഈ സാഹചര്യത്തിലാണ് നീക്കം. ആദ്യം അവസരം നല്കുന്നത് അയല്രാജ്യമായ ന്യൂസിലൻഡുകാർക്കാണ്. ജൂലൈ മുതല് ഓസ്ട്രേലിയയില് സ്ഥിരതാമസത്തിന് അനുമതിയുള്ള ന്യൂസിലൻഡുകാർക്കു സേനയില് ചേരാവുന്നതാണ്. ബ്രിട്ടൻ, യു എസ്, കാനഡ പൗരന്മാർക്കും അടുത്ത വർഷം അവസരമുണ്ടാകുന്നതാണ്.
