കുവൈറ്റ് സിറ്റി: കേരളത്തിന്റെ മുൻ മുഖ്യമന്ത്രി ഉമ്മൻ ചാണ്ടിയുടെ മൂന്നാം ചരമവാർഷികത്തോട് അനുബന്ധിച്ച് ഒഐസിസി കുവൈറ്റ് യൂത്ത് വിംഗും ബദർ മെഡിക്കൽ സെന്ററും സംയുക്തമായി വെള്ളിയാഴ്ച (ജൂൺ 26) ബദർ മെഡിക്കൽ സെന്റർ ഫർവാനിയ ബ്രാഞ്ചിൽ വച്ച് മെഡിക്കൽ ക്യാമ്പ് സംഘടിപ്പിക്കുന്നു. രാവിലെ ഏഴിന് മെഡിക്കൽ ക്യാമ്പ് ആരംഭിക്കും. തുടർന്ന് പത്തിന് പബ്ലിക് മീറ്റിംഗ് നടക്കും. എല്ലാവരുടെയും പിന്തുണയും സാന്നിധ്യവും ഉണ്ടാകണമെന്ന് സംഘാടകർ അഭ്യർഥിച്ചു. ഷോബിൻ സണ്ണി (പ്രസിഡന്റ്), അരുൺ ചന്ദ്രൻ (ജനറൽ സെക്രട്ടറി ഒഐസിസി കുവൈറ്റ് യൂത്ത് വിംഗ്), വിപിൻ മങ്ങാട്ട് (വൈസ് പ്രസിഡന്റ് ഒഐസിസി കുവൈറ്റ് യൂത്ത് വിംഗ്) എന്നിവരാണ് പരിപാടിക്ക് നേതൃത്വം നൽകുന്നത്.
