കൊല്ക്കത്ത : സത്യജിത് റേ ഫിലിം ആന്ഡ് ടെലിവിഷന് ഇൻസ്റ്റിറ്റ്യൂട്ട് ചെയര്മാനായി ചുമതലയേറ്റ് നടനും ബിജെപി നേതാവുമായ സുരേഷ് ഗോപി. മൂന്നു വര്ഷത്തേക്കാണ് നിയമം. ചുമതലയേറ്റ വിവരം സോഷ്യല് മീഡിയയിലൂടെ താരം തന്നെയാണ് പങ്കുവച്ചത്. ചുമതലയേറ്റെടുത്തതിനു പിന്നാലെ സുരേഷ് ഗോപി ഇൻസ്റ്റിറ്റ്യൂട്ട് കൗണ്സിലുമായും കേന്ദ്ര വാര്ത്താ പ്രക്ഷേപണ മന്ത്രാലയവുമായും ധനമന്ത്രാലയവുമായും ചര്ച്ചകള് നടത്തി. ഇൻസ്റ്റിറ്റ്യൂട്ടിന് ഉള്ളില് നിന്നുള്ള സെല്ഫിയും താരം പോസ്റ്റ് ചെയ്തിട്ടുണ്ട്.
മാസങ്ങള്ക്ക് മുൻപാണ് കേന്ദ്രമന്ത്രി അനുരാഗ് ഠാക്കൂര് സുരേഷ് ഗോപിയെ ഫിലിം ഇൻസ്റ്റിറ്റ്യൂട്ട് ചെയര്മാനായി നിയമിക്കുന്നത്. നിയമനക്കാര്യം അറിയിക്കാത്തതിലുള്ള അതൃപ്തി താരം വ്യക്തമാക്കിയിരുന്നു. ലോക്സഭാ തിരഞ്ഞെടുപ്പില് തൃശൂരില് വീണ്ടും സ്ഥാനാര്ഥിയാകുമെന്നു പ്രതീക്ഷിച്ചിരിക്കെയായിരുന്നു നിയമനം. ശമ്ബളമുള്ള ജോലിയല്ലെന്നും പൂര്ണമായും രാഷ്ട്രീയക്കാരനായി തുടരാൻ സാധിക്കുമെന്നും അനുരാഗ് ഠാക്കൂര് ഉറപ്പു നല്കിയതിനാലാണു ചുമതലയേറ്റെടുക്കുന്നതെന്ന് അടുത്തിടെ സുരേഷ് ഗോപി വ്യക്തമാക്കിയിരുന്നു.
