യുകെയിലേക്ക് കുടിയേറിയ മലയാളികൾ ഉൾപ്പെടെയുള്ളവരെ ബാധിക്കുന്ന വിസ/ഇമിഗ്രേഷൻ ഫീസ് വർദ്ധനയ്ക്ക് എതിരെ കൈരളി യുകെ യുകെ പാർലമെന്റിൽ ഒരു നിവേദനം സമർപ്പിച്ചു. എന്നാൽ നിലവിൽ മറ്റൊരു നിവേദനം സമർപ്പിക്കപ്പെട്ടതിനാൽ അത് തിരസ്കരിക്കപ്പെട്ടു. നിലവിൽ പരിഗണനയിലുള്ള നിവേദനത്തിന് കുറഞ്ഞത് 10000 ഒപ്പുകൾ ശേഖരിച്ചെങ്കിൽ മാത്രമേ യുകെ പാർലമെന്റിൽ ചർച്ചയ്ക്ക് വരികയുള്ളൂ.
താഴെ കാണുന്ന ലിങ്കിൽ ഫീസ് വർദ്ധനവിനെതിരെ പ്രതികരിക്കണമെന്ന് ഭാരവാഹികൾ അഭ്യർത്ഥിക്കുന്നു.
https://petition.parliament.uk/petitions/641140
ജൂലൈ 13 പ്രധാനമന്ത്രി ഋഷി സുനക് പ്രഖ്യാപിച്ച ഫീസ് വർദ്ധനവ് പ്രകാരം ഇമിഗ്രേഷൻ ഹെൽത്ത് സർചാർജ് (IHS) – പ്രതിവർഷം £624 ൽ നിന്ന് £1,035 ആയി വർദ്ധിക്കുന്നു. വിദ്യാർത്ഥികൾക്കും അണ്ടർ-18 കുട്ടികൾക്കുമുള്ള IHS – പ്രതിവർഷം £470 ൽ നിന്ന് £776 ആയി വർദ്ധിക്കുന്നു. വർക്ക്, വിസിറ്റ് വിസകൾ 15% വർധിപ്പിച്ചു – വൈദഗ്ധ്യമുള്ള തൊഴിലാളി വിസ 625 പൗണ്ടിൽ നിന്ന് £718.75 ആയി ഉയർത്തും Permanent Residency (ILR) അപേക്ഷകൾ കുറഞ്ഞത് 20% വർദ്ധിപ്പിച്ചു – £2,404 ൽ നിന്ന് കുറഞ്ഞത് £2,880 ആയി വർദ്ധിക്കുന്നു. ബ്രിട്ടീഷ് പൗരത്വം കുറഞ്ഞത് 20% വർദ്ധിച്ചു – £1,330 ൽ നിന്ന് കുറഞ്ഞത് £1,596 ആയി വർദ്ധിക്കുന്നു മറ്റുള്ളവ – പഠന വിസകൾ, സെറ്റിൽമെന്റ്, വൈഡർ എൻട്രി ക്ലിയറൻസ്, സ്പോൺസർഷിപ്പിന്റെ സർട്ടിഫിക്കറ്റുകൾ, മുൻഗണനാ വിസകൾ എന്നിവ ഉൾപ്പെടെ- കുറഞ്ഞത് 20% വർദ്ധിക്കും.
