മനാമ : കുവൈത്തിലെ മംഗഫ് ലേബർ ക്യാമ്പിലെ തീപിടിത്തത്തിലും ബഹ്റൈൻ മനാമ സൂക്കിൽ കഴിഞ്ഞ ദിവസമുണ്ടായ അപകടത്തിലും മരണമടഞ്ഞ സഹോദരങ്ങൾക്ക് സെന്റ് തോമസ് ഓര്ത്തഡോക്സ് ക്രൈസ്തവ യുവജന പ്രസ്ഥാനം ആദരമർപ്പിച്ചു. ബഹ്റൈന് സെന്റ് മേരീസ് ഇന്ത്യന് ഓര്ത്തഡോക്സ് കത്തീഡ്രലിലിൽ വെച്ച് നടത്തിയ അനുശോചന യോഗത്തിൽ പ്രസ്ഥാനാംഗങ്ങൾ തിരിതെളിച്ച് അനുസ്മരണ പ്രാർഥന നടത്തി. പ്രസ്ഥാനം പ്രസിഡന്റ് റവ. ഫാ. സുനിൽ കുര്യൻ ബേബി നേതൃത്വം നൽകി.
