ദോഹ: വിജയമന്ത്രങ്ങള് ടീമിന്റെ പുതിയ മോട്ടിവേഷണല് പോഡ്കാസ്റ്റായ മോണിംഗ് വൈബ്സിന്റെ കമ്യൂണിറ്റി ലോഞ്ചിംഗ് അല് സുവൈദ് ഗ്രൂപ്പില് നടന്നു. ദോഹ ബ്യൂട്ടി സെന്റര് മാനേജിംഗ് ഡയറക്ടര് ഡോ. ഷീല ഫിലിപ്പോസിന് പോസ്റ്റര് നല്കി മുതിര്ന്ന കമ്യൂണിറ്റി ലീഡറും സംരംഭകനുമായ കെ.കെ. ഉസ്മാന് ലോഞ്ചിംഗ് നിര്വഹിച്ചു. അല് സുവൈദ് ഗ്രൂപ്പ് മാനേജിംഗ് ഡയറക്ടര് ഡോ. വി.വി.ഹംസ, ഡയറക്ടര്മാരായ ഫൈസല് റസാഖ്, ഇഷ്ഫാഖ്, ഐസിബിഎഫ് പ്രസിഡന്റ് റഷീദ് അഹ്മദ്, ആന്റി സ്മോക്കിംഗ് സൊസൈറ്റി ഗ്ലോബല് ചെയര്മാന് ഡോ. മുഹമ്മദുണ്ണി ഒളകര, റാഫി പാറക്കാട്ടില് എന്നിവര് സംസാരിച്ചു.
