എരുമേലി: പൊലിസ് സ്റ്റേഷനിലെ പ്രവർത്തനങ്ങൾ നേരിട്ടുകണ്ട് മനസിലാക്കാൻ ഇടകടത്തി ഉമിക്കുപ്പ സെന്റ് മേരീസ് ഹൈസ്കൂളിലെ സ്റ്റുഡന്റ് പൊലിസ് കേഡറ്റുകളെത്തി. അധ്യാപകരും ഒപ്പമുണ്ടായിരുന്നു. സർക്കിൾ ഇൻസ്പെക്ടർ എം.ആർ. സുരേഷിന്റെ നേതൃത്വത്തിൽ വിദ്യാർഥികളെ സ്വീകരിച്ചു. സ്റ്റേഷനിലെ ദൈനംദിന ഡ്യൂട്ടികളെപ്പറ്റി സിഐ വിശദീകരിച്ചു. പൗരധർമം, സാമൂഹിക സേവനം, നിയമ അവബോധം എന്നിവ സംബന്ധിച്ച് വിദ്യാർഥികൾക്ക് ക്ലാസ് നൽകി. എസ്ഐമാരായ അനീഷ്, വിശാൽ, കൃപ, സിപിഒമാരായ ജേക്കബ് തോമസ്, റിൻസി അലക്സ് എന്നിവർ നേതൃത്വം നൽകി.
