ഹാംബുര്ഗ് : ജര്മ്മനിയിലെ ഹാംബുര്ഗ് നഗരത്തില് മലയാളം ഭാഷയും സംസ്കാരവും പുതുതലമുറക്ക് കൈമാറുന്നതിനായി ഈ വര്ഷം പുതിയ മലയാളം അധ്യാപന ക്ളാസ് ആരംഭിച്ചു. “”അക്ഷരകളരി ഹാംബുര്ഗ്” എന്ന പേരില് പ്രവര്ത്തനം ആരംഭിച്ച ഈ പഠനകേന്ദ്രം കേരള സമാജം ഹാംബുര്ഗും കേരള സര്ക്കാരിന്റെ മലയാളം മിഷനും ചേര്ന്നാണ് സംഘടിപ്പിക്കുന്നത്. ഹാംബുര്ഗിലെ ഹാര്ബുര്ഗ് (Harburg) പ്രദേശത്താണ് ക്ളാസുകള് ആരംഭിച്ചിരിക്കുന്നത്. കുട്ടികള്ക്കായി ക്രമീകരിച്ച ക്ളാസുകളില് മലയാളം മിഷന് അംഗീകരിച്ച പാഠ്യപദ്ധതി പ്രകാരമാണ് പഠനം നടത്തുന്നത്. ക്ളാസുകളുടെ ഉദ്ഘാടനത്തോടനുബന്ധിച്ച് വിദ്യാര്ത്ഥികള്ക്ക് പാഠപുസ്തകങ്ങള് വിതരണം ചെയ്തു.
ക്ളാസുകളുടെ ഔപചാരിക ഉദ്ഘാടനം കേരള സമാജം ഹാംബുര്ഗ് പ്രസിഡന്റ് ശ്രീജിത് എം.എസ്. നിര്വഹിച്ചു. വിദേശത്തുള്ള മലയാളി സമൂഹത്തിന് ഭാഷയോടുള്ള ബന്ധം നിലനിര്ത്തുന്നതില് ഇത്തരം സംരംഭങ്ങള് നിര്ണായകമാണെന്ന് ഉദ്ഘാടനം പ്രസംഗത്തില് അദ്ദേഹം പറഞ്ഞു. ഉദ്ഘാടനച്ചടങ്ങില് അധ്യാപകരെയും സംഘാടക സമിതി അംഗങ്ങളെയും പരിചയപ്പെടുത്തി. അക്ഷരകളരി ഹാംബുര്ഗ് മലയാളം അധ്യാപകരായി സ്വപ്ന രവീന്ദ്രനാഥ്, സൗമ്യ പദ്മാക്ഷന്, ജിജിമോള് ജോര്ജ്, റിയ ജോസ്, ഡോ. മരിയ ജോര്ജ്, അപര്ണ്ണ നായര്, അശ്വതി സാരംഗ എന്നിവര് ക്ളാസുകള് നയിക്കും.
ചടങ്ങ് കേരള സമാജം ഹാംബുര്ഗ് എക്സിക്യൂട്ടീവ് കമ്മിറ്റി അംഗങ്ങളുടെ സാന്നിധ്യവും പിന്തുണയും കൊണ്ട് ശ്രദ്ധേയമായി. കൂടാതെ, കുട്ടികളുടെ മാതാപിതാക്കളും ചടങ്ങില് പങ്കെടുത്തു, ഈ സംരംഭത്തിന് വലിയ പിന്തുണയും ഊര്ജ്ജവും നല്കി. ഹാംബുര്ഗിലെ മലയാളി സമൂഹത്തില് നിന്ന് മികച്ച പിന്തുണയാണ് അക്ഷരകളരി ഹാംബര്ഗിന് ലഭിച്ചുകൊണ്ടിരിക്കുന്നത്. വരും വര്ഷങ്ങളില് കൂടുതല് ക്ളാസുകളും സാംസ്കാരിക പ്രവര്ത്തനങ്ങളും സംഘടിപ്പിക്കാനുള്ള ഒരുക്കത്തിലാണ് സംഘാടകര്.
ജോസ് കുമ്പിളുവേലില്
