സന്ദീപ് വാര്യറെ കെപിസിസി ജനറല് സെക്രട്ടറിയായി തിരഞ്ഞെടുത്തു. ഹൈക്കമാന്ഡ് പുറത്തുവിട്ട കെപിസിസി പുനസ്സംഘടനാ പട്ടികയിലാണ് സന്ദീപ് വാര്യറും ഇടംപിടിച്ചത്. കമ്മിറ്റിയില് പതിമൂന്ന് ഉപാധ്യക്ഷന്മാര്, 58 ജനറല് സെക്രട്ടറിമാര് എന്നിവരും ഉള്പ്പെടുന്നു. രാജ്മോഹന് ഉണ്ണിത്താന്, വി കെ ശ്രീകണ്ഠന്, ഡീന് കുര്യാക്കോസ്, സി പി മുഹമ്മദ്, പന്തളം സുധാകരന്, എ.കെ മണി എന്നിവരെയാണ് രാഷ്ട്രീയകാര്യ സമിതിയില് ഉള്പ്പെടുത്തിയിരിക്കുന്നത്. തിരുവനന്തപുരം ഡിസിസി അധ്യക്ഷ സ്ഥാനം രാജിവച്ച പലോട് രവിയെ കെപിസിസി ഉപാധ്യക്ഷനായി നിയമിച്ചു. ടി. ശരത്ചന്ദ്ര പ്രസാദ്, ഹൈബി ഈഡന്, വി ടി ബല്റാം, വി.പി സജീന്ദ്രന്, മാത്യു കുഴല്നാടന്, ഡി സുഗതന്, രമ്യ ഹരിദാസ്, എം ലിജു, എ എ ഷുക്കൂര്, എം വിന്സന്റ്, റോയ് കെ പൗലോസ്, ജയ്സണ് ജോസഫ് എന്നിവരാണ് മറ്റ് ഉപാധ്യക്ഷന്മാര്. വി എ നാരായണനാണ് കെപിസിസി ട്രഷറര്.
