സ്വിറ്റ്സർലൻഡിലെ വിദേശ പൗരന്മാരുടെ എണ്ണത്തിൽ സ്വിറ്റ്സർലൻഡുകാർ ഒരിക്കലും അമിതമായി സന്തുഷ്ടരല്ലെന്ന് റിപ്പോർട്ട്. ഏറ്റവും പുതിയ സർക്കാർ പഠനം കാണിക്കുന്നത് ഇപ്പോൾ മുമ്പത്തേക്കാൾ കൂടുതൽ വിദേശീയ വിദ്വേഷം തദ്ദേശീയർക്ക് ഉണ്ടെന്നാണ്. 2020 മുതൽ, സ്വിറ്റ്സർലൻഡിലെ ചില ജനവിഭാഗങ്ങളോട് തദ്ദേശീയർക്ക് വിദ്വേഷ മനോഭാവം വർദ്ധിച്ചിട്ടുണ്ടെന്ന് ഫെഡറൽ സ്റ്റാറ്റിസ്റ്റിക്കൽ ഓഫീസ് (FSO) ചൊവ്വാഴ്ച പുറത്തിറക്കിയ ഒരു സർവേയിൽ പറയുന്നു. സ്വിറ്റ്സർലൻഡിലെ ഏകദേശം 90 ശതമാനം ആളുകളും വ്യത്യസ്ത ദേശീയത, മതം , നിറം എന്നിവയിലുള്ളവരുമായി ഇടയ്ക്കിടെ സമ്പർക്കം പുലർത്തുന്നതായി റിപ്പോർട്ട് ചെയ്യുന്നുണ്ടെങ്കിലും, അവരിൽ മൂന്നിലൊന്ന് പേർക്കും അവരുടെ സാന്നിധ്യത്തിൽ അസ്വസ്ഥത അനുഭവപ്പെടുന്നതായി FSO പഠനം കണ്ടെത്തി.
പൊതുവിൽ വൈവിധ്യത്തോടുള്ള തുറന്ന സമീപനം സ്വിറ്റ്സർലൻഡിൽ പ്രബലമാണെങ്കിലും, കഴിഞ്ഞ വർഷങ്ങളിൽ വിദേശീയ വിദ്വേഷ മനോഭാവം വർദ്ധിച്ചുവരികയാണെന്നും സർവേ കണ്ടെത്തി. വിദേശ പൗരന്മാരിൽ 26.5 ശതമാനം പേരും 2024 ൽ തദ്ദേശീയരിൽ നിന്ന് വിദ്വേഷം അനുഭവപ്പെട്ടതായി റിപ്പോർട്ട് ചെയ്തിട്ടുണ്ട്. ഒരു ദശാബ്ദം മുമ്പ് ഇത് 19.8 ശതമാനമായിരുന്നു. കുടിയേറ്റക്കാർ വിവേചനം അനുഭവിക്കുന്നതിന്റെ കാരണത്തെക്കുറിച്ചുള്ള ചോദ്യത്തിന് 45 ശതമാനം പേരും അവരുടെ ദേശീയത കാരണമാണെന്നാണ് അഭിപ്രായപ്പെട്ടത്. 30 ശതമാനം പേർക്ക് അത് അവരുടെ ഭാഷ, മതം (18.9), ചർമ്മത്തിന്റെ നിറം (17.6); വംശീയത (12.1 ശതമാനം) എന്നിവ പ്രശ്നമായെന്ന് കരുതുന്നു.
എഫ്എസ്ഒ ഈ വർദ്ധനവിൻ്റെ കാരണത്തെ കുറിച്ച് വിശദീകരിക്കുന്നില്ല, പക്ഷേ ഒരു കാരണം വിദേശ ജനസംഖ്യ ഓരോ വർഷവും ക്രമാനുഗതമായി വർദ്ധിച്ചുകൊണ്ടിരിക്കുകയും വലതുപക്ഷക്കാർക്കിടയിൽ കുടിയേറ്റ വിരുദ്ധ പ്രചാരണങ്ങൾക്ക് കാരണമാവുകയും ചെയ്തതാകാമെന്ന് കരുതുന്നു. കുടിയേറ്റം പരിമിതപ്പെടുത്തുന്നതിനായി പോപ്പുലിസ്റ്റ് സ്വിസ് പീപ്പിൾസ് പാർട്ടി (എസ്വിപി) നിരവധി നിർദ്ദേശങ്ങൾ മുന്നോട്ടുവച്ചിട്ടുണ്ട്. അവയിൽ ഏറ്റവും പ്രധാനം സ്ഥിര താമസക്കാരുടെ എണ്ണം 9.5 ദശലക്ഷം കവിയുമ്പോൾ (നിലവിൽ ഇത് 9 ദശലക്ഷത്തിൽ കൂടുതലാണ്) വിദേശികളുടെ ഒഴുക്ക് തടയാൻ ഫെഡറൽ കൗൺസിലും പാർലമെന്റും നിയന്ത്രണം ഏർപ്പെടുത്തണമെന്നതാണ്എ സ്വിപി ഡെപ്യൂട്ടികൾ മുന്നോട്ടുവച്ച മറ്റൊരു പുതിയ നിർദ്ദേശം സ്വിറ്റ്സർലൻഡിൽ സ്ഥിരതാമസമാക്കാൻ ആഗ്രഹിക്കുന്ന വിദേശികൾ കുറഞ്ഞത് 5,000 ഫ്രാങ്ക് ‘കുടിയേറ്റ നികുതി’ നൽകണമെന്നതാണ്
ഇത്തരം നീക്കങ്ങൾ സ്വാഭാവികമായും വിദേശ നിവാസികളെ ആശങ്കപ്പെടുത്തുന്നുണ്ട്, അവരെ സ്വിറ്റ്സർലൻഡ് നിവാസികൾ സ്വാഗതം ചെയ്യുന്നില്ല എന്നതിന്റെ ഉറപ്പായ സൂചനയായി അവർ അവരെ കാണുന്നു. സ്വിറ്റ്സർലൻഡിലെ ജനസംഖ്യയുടെ ഭൂരിഭാഗവും (65 ശതമാനം) കുടിയേറ്റക്കാരുടെ കുടുംബ പുനരേകീകരണത്തിനുള്ള അവകാശത്തെ പിന്തുണയ്ക്കുന്നുവെന്ന് എഫ്എസ്ഒ സർവേ സൂചിപ്പിക്കുന്നു; വിദേശികൾക്ക് സ്വിസ് പൗരന്മാരാകാൻ കഴിയുമെന്ന് 54.5 പേർ വിശ്വസിക്കുന്നു; സ്വിറ്റ്സർലൻഡിൽ താമസിക്കുന്ന വിദേശ പൗരന്മാർക്ക് രാഷ്ട്രീയ പ്രക്രിയയിൽ പങ്കെടുക്കാൻ കഴിയുമെന്ന് 49 ശതമാനം പേർ കരുതുന്നു. സ്വിറ്റ്സർലൻഡിലെ മൂന്നിലൊന്ന് പേർക്കും വിദേശികളുടെ സാന്നിധ്യത്തിൽ അസ്വസ്ഥത തോന്നുന്നുവെങ്കിൽ, ഇതിനർത്ഥം ബഹുഭൂരിപക്ഷം പേർക്കും അത് തോന്നുന്നില്ല എന്നാണ് ആശ്വാസകരം.
