ദോഹ : ഒഐസിസി-ഇന്കാസ് ഖത്തര് സെന്ട്രല് കമ്മിറ്റിയുടെ ആഭിമുഖ്യത്തില് തുമാമ ഒലീവ് ഇന്റര്നാഷണല് സ്കൂളില് ഇന്ന് നടക്കുന്ന വിഷു-ഈസ്റ്റര്-റമദാന് ആഘോഷമായ ‘സ്നേഹവിരുന്ന് 2023’ല് പങ്കെടുക്കാനെത്തിയ എഐസിസി മെമ്ബര് അഡ്വ.എം ലിജുവിനെ ദോഹ വിമാനത്താവളത്തില് ഒഐസിസി-ഇന്കാസ് നേതാക്കള് സ്വീകരിച്ചു. വൈക്കം സത്യാഗ്രഹം ശതാബ്ദിയാ ഘോഷത്തിന്റെ മുഖ്യസംഘാടകരിലൊരാളായ എം ലിജുവിന്റെ സാന്നിധ്യം ചടങ്ങിനും ഇന്കാസ് പ്രവര്ത്തകര്ക്കും വളരെയേറെ ആഹ്ലാദവും ഊര്ജ്ജവും നല്കുമെന്ന് ഒഐസിസി-ഇന്കാസ് ഖത്തര് സെന്ട്രല് കമ്മിറ്റി പ്രസിഡന്റ് സമീര് ഏറാമല എം ലിജുവിനെ സ്വീകരിച്ചുക്കൊണ്ടു പറഞ്ഞു. ഖത്തറിന്റെ മണ്ണില് വീണ്ടും വരാന് കഴിഞ്ഞതില് സന്തോഷം ഉണ്ടെന്നുംഇന്ന് സ്നേഹവിരുന്നില് എല്ലാവരെയും നേരില് കാണാമെന്നും എം ലിജു പറഞ്ഞു.
ഷഫീക് അറക്കല്
