ഗാര്ലന്ഡ് (ഡാളസ്) : കേരള അസോസിയേഷന് ഓഫ് ഡാലസിന്റെ ആഭിമുഖ്യത്തില് സംഘടിപ്പിച്ച വിസ്മയച്ചെപ്പു വിസ്മയകരമായ വിവധ പരിപാടികളിലും അവതരണ മേന്മയിലും വ്യത്യസ്തത പുലര്ത്തിയത് കലാസ്വാദകര്ക്കു അവിസ്മരണീയമായ അനുഭവങ്ങളാണ് സമ്മാനിച്ചത്. മെയ് 4 ശനിയാഴ്ച വൈകീട്ട് 6 മുതല് 8 :30 വരെ കാരോള്ട്ടന് സെന്റ് ഇഗ്നേഷ്യസ് ഹാളില് വെച്ച് തിങ്ങി നിറഞ്ഞ കാണികളുടെ മുപില് സംഘടിപ്പിച്ച ചടങ്ങില് അസോസിയേഷന് പ്രസിഡന്റ് പ്രദീപ് നാഗനൂലില് അദ്ധ്യക്ഷത വഹിച്ചു. സെക്രട്ടറി മഞ്ജിത് കൈനിക്കര ആര്ട്സ് ഡയറക്ടര് സുബി ഫിലിപ്പ് ,വിനോദ് ജോര്ജ് എന്നിവര് പരിപാടികള് നിയന്ത്രിച്ചു.
