ലണ്ടൻ: കോട്ടയം തീക്കോയി സ്വദേശിനിയായ ജസ്റ്റിൻ ജോർജ് (58) ലണ്ടനിൽ അന്തരിച്ചു. ദീർഘകാലമായി ആരോഗ്യരംഗത്ത് സേവനം അനുഷ്ഠിച്ചിരുന്ന ജസ്റ്റിൻ എസെക്സിലെ Colchester Hospitalയിൽ നഴ്സ് പ്രാക്ടീഷണറായി ജോലി ചെയ്തുവരികയായിരുന്നു. മലയാളി സമൂഹത്തിൽ സജീവ സാന്നിധ്യമായിരുന്ന ജസ്റ്റിൻ ജോർജ്, ക്ലാക്ടണിലെ സീറോമലബാർ ദേവാലയത്തിലെ പാരിഷ് കമ്മിറ്റി അംഗമായും വേദപാഠ അധ്യാപികയായും ദീർഘകാലം സേവനം അനുഷ്ഠിച്ചിട്ടുണ്ട്. സംസ്കാരം ക്ലാക്ടൺ, ബർസ് റോഡിലെ സെമിത്തേരിയിൽ ഈ മാസം 23 ന് നടക്കുമെന്ന് കുടുംബാംഗങ്ങൾ അറിയിച്ചു. ഭർത്താവ്: ജോർജ് (ജോയ്) യുകെ, മക്കൾ: ടോംസ് ജോർജ്, ആൻസ് ജോർജ് യുകെ, മരുമക്കൾ: മിന്നു സണ്ണി, ടോം മാത്യു യുകെ. ജസ്റ്റിൻ ജോർജിന്റെ നിര്യാണത്തിൽ ക്ലാക്ടണിലെ മലയാളി സമൂഹവും സഹപ്രവർത്തകരും പള്ളി കമ്മിറ്റിയും അനുശോചനം രേഖപ്പെടുത്തി.
