ന്യൂയോര്ക്ക് : ആണവ നിർവ്യാപന കരാറിന്റെ (എൻപിടി) നിർണായക അവലോകന യോഗം ഐക്യരാഷ്ട്രസഭയിൽ ആരംഭിച്ചു. എന്നാൽ, തുടക്കം മുതൽ തന്നെ വിവാദങ്ങൾ ഉയർന്നുവന്നിരുന്നു. ഇറാന് വൈസ് പ്രസിഡന്റായി നിയമിതനായതിനെ അമേരിക്ക ശക്തമായി എതിർത്തെങ്കിലും എതിർപ്പ് പരാജയപ്പെട്ടു. ചേരിചേരാ രാജ്യങ്ങളുടെ ശക്തമായ പിന്തുണയോടെ ഇറാൻ സ്ഥാനം ഉറപ്പിച്ചു. ആണവായുധങ്ങളുടെ വ്യാപനം തടയുന്നതും ആണവോർജ്ജത്തിന്റെ സമാധാനപരമായ ഉപയോഗവും ഈ ഒരു മാസം നീണ്ടുനിൽക്കുന്ന യോഗം ചർച്ച ചെയ്യും. അമേരിക്കയും ഇറാനും തമ്മിലുള്ള ചൂടേറിയ ചർച്ച ആഗോള രാഷ്ട്രീയത്തിൽ ഒരു പുതിയ ചർച്ചയ്ക്ക് തുടക്കമിട്ടിട്ടുണ്ട്.
ആണവ നിർവ്യാപന കരാറിന്റെ (NPT) യോഗത്തിലേക്ക് ഇറാൻ ഉൾപ്പടെ 34 വൈസ് പ്രസിഡന്റുമാരെയാണ് തിരഞ്ഞെടുത്തത്. ചേരിചേരാ പ്രസ്ഥാനത്തിലെ 121 രാജ്യങ്ങൾ ഇറാനെ പിന്തുണച്ചതോടെ അമേരിക്കയുടെ എതിർപ്പ് നിഷ്ഫലമായി. യോഗത്തിന്റെ അദ്ധ്യക്ഷസ്ഥാനം വിയറ്റ്നാമിന് ലഭിച്ചു. ആണവായുധങ്ങളെ തങ്ങൾ നിരന്തരം എതിർക്കുന്നുണ്ടെന്നും ലോകമെമ്പാടും അമേരിക്ക തങ്ങൾക്കെതിരെ തെറ്റായ കിംവദന്തികൾ പ്രചരിപ്പിക്കുകയാണെന്നും ഇറാൻ പറഞ്ഞു.
ഇറാനെ ഉൾപ്പെടുത്തുന്നതിനെ അവസാന നിമിഷം വരെ യുഎസ് എതിർത്തെങ്കിലും വിജയിച്ചില്ല. യുഎസ് ബ്യൂറോ ഓഫ് ആംസ് കൺട്രോൾ ആൻഡ് നോൺ-പ്രൊലിഫറേഷന്റെ അസിസ്റ്റന്റ് സെക്രട്ടറി ക്രിസ്റ്റഫർ യൂ ഈ തീരുമാനത്തെ NPT യ്ക്ക് അപമാനവും നാണക്കേടും ആണെന്ന് വിശേഷിപ്പിച്ചു. ഇറാൻ വളരെക്കാലമായി ഉടമ്പടിയുടെ നിബന്ധനകൾ അവഗണിക്കുകയാണെന്ന് അദ്ദേഹം കുറ്റപ്പെടുത്തിയെങ്കിലും, 121 രാജ്യങ്ങല് ഇറാനെ പിന്തുണച്ചോടെ അമേരിക്ക ഒറ്റപ്പെട്ടു.
അന്താരാഷ്ട്ര ആണവോർജ്ജ ഏജൻസിയിലെ ഇറാന്റെ പ്രതിനിധി റെസ നജാഫി, ആണവായുധങ്ങൾ ഉപയോഗിച്ചിട്ടുള്ള ഒരേയൊരു രാജ്യം അമേരിക്കയാണെന്ന് പറഞ്ഞുകൊണ്ട് അമേരിക്കയുടെ വിമർശനത്തിന് മറുപടി നൽകി. അമേരിക്ക അവരുടെ ആണവായുധ ശേഖരം ഇപ്പോഴും വികസിപ്പിച്ചുകൊണ്ടിരിക്കുകയാണെന്ന് അദ്ദേഹം ആരോപിച്ചു. അതുകൊണ്ടുതന്നെ ഈ വിഷയത്തിൽ സംസാരിക്കാൻ അവർക്ക് ധാർമ്മിക അവകാശമില്ലെന്നും അദ്ദേഹം പറഞ്ഞു. തന്നെയുമല്ല, അമേരിക്കയുടെ ഉദ്ദേശ്യങ്ങളെ ഇറാൻ ചോദ്യം ചെയ്തു.
1970-ൽ ശീതയുദ്ധകാലത്ത് സ്ഥാപിതമായതാണ് ആണവ നിർവ്യാപന ഉടമ്പടി (NPT). ലോകത്തെ ആണവ ആക്രമണങ്ങളിൽ നിന്ന് സംരക്ഷിക്കുക എന്നതാണ് ഇതിന്റെ പ്രാഥമിക ലക്ഷ്യം. ഇതില് 190-ലധികം രാജ്യങ്ങൾ അംഗങ്ങളാണ്. ഉടമ്പടിക്ക് മൂന്ന് പ്രധാന ലക്ഷ്യങ്ങളുണ്ട്: ആണവായുധങ്ങൾ കൈവശം വയ്ക്കാത്ത രാജ്യങ്ങൾ അവ സ്വന്തമാക്കരുത്, ആണവായുധങ്ങൾ കൈവശം വയ്ക്കുന്ന രാജ്യങ്ങൾ അവയുടെ ഉപയോഗം കുറയ്ക്കണം, വൈദ്യുതി ഉൽപാദനം പോലുള്ള സമാധാനപരമായ ആവശ്യങ്ങൾക്ക് മാത്രമേ ആണവോർജ്ജം ഉപയോഗിക്കാവൂ.
ആണവ നിർവ്യാപന ഉടമ്പടി (NPT) നിലവിലിരിക്കുമ്പോള് തന്നെ അമേരിക്കയും ഇസ്രായേലും അവ വികസിപ്പിച്ചുകൊണ്ടിരിക്കുകയാണ്. ആ പേരില് ഇറാനെതിരെ നിരന്തരം ആക്രമണം നടത്തുന്ന അമേരിക്ക എന്തുകൊണ്ട് ഇസ്രായേലിനെതിരെ കണ്ണടയ്ക്കുന്നു എന്ന ചോദ്യവും യോഗത്തില് ഉയര്ന്നു. അഞ്ച് വർഷത്തിലൊരിക്കലാണ് എന്പിടി യോഗം നടക്കുന്നത്.
