ബ്രിട്ടന്: മാഞ്ചസ്റ്റർ യൂണിവേഴ് സിറ്റി ഹോസ്പിറ്റലിൽ ജോലി ചെയ്തിരുന്ന മലയാളി യുവാവ് ഹൃദയ സ്തംഭനം മൂലം മരിച്ചു 33 വയസ്സായിരുന്നു. തിരുവനന്തപുരം സ്വദേശി അഖിൽ മായ മണികണ്ഠൻ ആണ് മരിച്ചത്. ഹോസ്പിറ്റലിൽ 3 വർഷമായി ഒഡിപി ആയി ജോലി ചെയ്തിരുന്ന അഖിലിന് ആശുപത്രി ഡ്യൂട്ടിയ്ക്കിടെ തന്നെയാണ് ഹൃദയ സ്തംഭനം സംഭവിച്ചത്. ടോയ് ലറ്റിലേക്ക് പോകും വഴി കുഴഞ്ഞു വീഴുകയും അടിയന്തിര ശുശ്രൂഷ നൽകിയിട്ടും ജീവൻ രക്ഷിക്കാൻ ആയില്ല..
ഭാര്യയ്ക്കും 6 വയസുള്ള മകനും ഒപ്പമാണ് കഴിഞ്ഞിരുന്നത്. ഭാര്യ ആതിര ലീന, മകൻ അഥവ് കൃഷ്ണ. അപ്രതീക്ഷിതമായുണ്ടായ വേർപാടിൽ തകർന്നു പോയ കുടുംബത്തിന് താങ്ങാകുവാനും അഖിലിന്റെ നാട്ടിലെത്തിക്കുവാനുമായി ഫണ്ട് ശേഖരണം ആരംഭിച്ചിട്ടുണ്ട്…
