തുടര്‍ച്ചയായ ആറാം മാസവും യുകെയില്‍ ഭക്ഷ്യവില വര്‍ധിച്ചു. ബ്രിട്ടീഷ് റീട്ടെയില്‍ കണ്‍സോര്‍ഷ്യം (ബിആര്‍സി) പ്രകാരം, ജൂലൈ വരെയുള്ള കാലയളവില്‍ ഭക്ഷ്യവസ്തുക്കളുടെ വില 4% ആണ് വര്‍ധിച്ചിരിക്കുന്നത്. ജൂണില്‍ ഇത് 3.7% ആയിരുന്നു. ആഗോളതലത്തില്‍ വിതരണം കര്‍ശനമായത് മാംസം, ചായ തുടങ്ങിയ ആവശ്യ വസ്തുക്കളുടെ വില കൂടുന്നതിന് കാരണമായതെന്നാണ് വിദഗ്ധർ ചൂണ്ടിക്കാട്ടുന്നത് പഴങ്ങളും പച്ചക്കറികളും ഉള്‍പ്പെടെയുള്ള ഫ്രഷ് ഫുഡിന്റെ വില 3.2 ശതമാനത്തില്‍ തന്നെ തുടരുന്നുവെന്ന് സര്‍വേയില്‍ കണ്ടെത്തി. എന്നാല്‍ ചായ, മാംസം തുടങ്ങിയവയുടെ വിലയില്‍ 5.1% വര്‍ധനവാണ് ഉണ്ടായിരിക്കുന്നത്. കോഴിയുടെ വില രണ്ട് വര്‍ഷത്തിനിടെ കിലോയ്ക്ക് 2.85 പൗണ്ടില്‍ നിന്ന് 5.50 പൗണ്ട് ആയാണ് ഉയര്‍ന്നത്. ഓഫീസ് ഫോര്‍ നാഷണല്‍ സ്റ്റാറ്റിസ്റ്റിക്സിന്റെ (ഒഎന്‍എസ്) പുതിയ ഡേറ്റ പ്രകാരം യുകെയിലെ പണപ്പെരുപ്പം ജൂണില്‍ 3.6% ആയാണ് ഉയര്‍ന്നത്. ജൂണില്‍ ഇത് 3.4% ആയിരുന്നു.
പച്ചക്കറി വിപണിയില്‍ വില കുതിച്ചുയരുന്നു ; തീൻമേശയിൽ താരമായി ചക്കക്കുരുവും പപ്പായയും നാലു വർഷത്തിനിടയിൽ എല്ലാ ഓസ്ട്രേലിയൻ നഗരങ്ങളിലും വീട് വില കൂടി : പ്രധാന വിവരങ്ങൾ ജൂണ്‍ വരെയുള്ള കണക്കുകള്‍ പരിശോധിക്കുമ്പോള്‍ ഭക്ഷണപാനീയങ്ങളുടെ വില 4.5% വര്‍ദ്ധിച്ചതായി കാണാം. 2024 ഫെബ്രുവ.രിക്ക് ശേഷമുള്ള ഏറ്റവും ഉയര്‍ന്ന നിരക്കാണിത്. ഡ്രസ്സുകളിലും ഫര്‍ണീച്ചറിലും കിഴിവുകള്‍ ഉണ്ടായിട്ടുണ്ട്. ജൂലൈയില്‍ കടകളിലെ പണപ്പെരുപ്പം 0.7% ആയി ഉയര്‍ന്നിട്ടുണ്ട്. ശരാശരി, യുകെയിലെ കുടുംബങ്ങള്‍ പലചരക്ക് സാധനങ്ങള്‍ക്കായി ഒരു വര്‍ഷത്തേക്ക് ഏകദേശം 5,283 പൗണ്ട് ചെലവഴിക്കുന്നു, എന്നാല്‍ ആളുകള്‍ വാങ്ങുന്നതില്‍ മാറ്റം വരുത്തിയില്ലെങ്കില്‍ ഇത് 275 പൗണ്ട് വര്‍ദ്ധിക്കുമെന്ന് ന്യൂമറേറ്ററിന്റെ വേള്‍ഡ്പാനല്‍ പറഞ്ഞു. ഭക്ഷണത്തിന്റെ വര്‍ദ്ധിച്ചുവരുന്ന വില യുകെയിലെ മൊത്തത്തിലുള്ള പണപ്പെരുപ്പ നിരക്കില്‍ വര്‍ദ്ധനവിന് കാരണമായി, ഇത് ജൂണ്‍ വരെയുള്ള വര്‍ഷത്തില്‍ 3.6% ആയി – 2024 ജനുവരിക്ക് ശേഷമുള്ള ഏറ്റവും ഉയര്‍ന്ന നിരക്ക്.
