ലോകമെമ്പാടുമുള്ള കേരളീയ പ്രവാസികളെ ഒരു കുടക്കീഴില് ഒരുമിപ്പിക്കുന്ന ഡിജിറ്റൽ പ്ലാറ്റ്ഫോമായ ലോകകേരളം ഓണ്ലൈന് പോര്ട്ടലിലേയ്ക്ക് ഇപ്പോള് രജിസ്റ്റര് ചെയ്യാം. (https://www.lokakeralamonline.kerala.gov.in) വെബ്ബ്സൈറ്റില് ലളിതമായ അഞ്ചുസ്റ്റെപ്പുകളിലായി രജിസ്ട്രേഷന് പൂര്ത്തിയാക്കാം. ഇതിനുശേഷം ഡിജിറ്റല് ഐ.ഡി കാര്ഡും ലഭിക്കും. ഇന്ത്യയിലെ മറ്റ് സംസ്ഥാനങ്ങളിലേയും, വിദേശരാജ്യങ്ങളിലേയും പ്രവാസികേരളീയര് (എന്.ആര്.കെ), അസ്സോസിയേഷനുകള് കൂട്ടായ്മകള് എന്നിവര്ക്കും പോര്ട്ടലില് രജിസ്റ്റര് ചെയ്യാം. രജിസ്റ്റര് ചെയ്യുന്നവരുടെ സ്വകാര്യത ഉറപ്പാക്കുന്നതിനൊപ്പം വിവരങ്ങള് പൂര്ണ്ണമായും സുരക്ഷിതവുമായിരിക്കും.
