കോട്ടയത്ത്‌ ഇന്നലെ കാണാതായ 26-കാരിയെ ഇന്ന് രാവിലെ കുമാരനല്ലൂരിൽ മീനച്ചിലാറിന്റെ കൈവഴിക്ക് സമീപം മരിച്ച നിലയിൽ കണ്ടെത്തി.
കുമാരനല്ലൂർ സ്വദേശി ഷാജി ജോസഫിന്റെ മകൾ നിമ്മി ഷാജി ആണ് മരിച്ചത്.
പോലീസ് നൽകുന്ന വിവരമനുസരിച്ച്, ചൊവ്വാഴ്ച വൈകിട്ട് ഏഴു മണിയോടെ പള്ളിയിലേക്ക് പോയ നിമ്മി പിന്നീട് വീട്ടിൽ തിരിച്ചെത്തിയില്ല. തുടർന്ന് ബന്ധുക്കൾ ഗാന്ധിനഗർ പോലീസ് സ്റ്റേഷനിൽ പരാതി നൽകി.
ബുധനാഴ്ച രാവിലെ ഏഴു മണിയോടെ കുമാരനല്ലൂർ വടക്കേനടയ്ക്ക് സമീപം മീനച്ചിലാറിന്റെ കൈവഴിയുടെ തീരത്താണ് മൃതദേഹം കണ്ടെത്തിയത്.
മൃതദേഹം കോട്ടയം സർക്കാർ മെഡിക്കൽ കോളേജ് ആശുപത്രിയിലേക്ക് മാറ്റി. ഇൻക്വസ്റ്റ് നടപടികൾ പുരോഗമിക്കുകയാണെന്ന് പോലീസ് അറിയിച്ചു.
