റി​യാ​ദ് വി​മാ​ന​ത്താ​വ​ള​ത്തി​ലെ ഹൂ​തി ആ​ക്ര​മ​ണം; പൈ​ല​റ്റ് അ​ട​ക്കം മൂ​ന്നു​പേ​ർ കൊല്ലപ്പെ‌ട്ടു

റി​യാ​ദ്: സൗ​ദി അ​റേ​ബ്യ​യു​ടെ ത​ല​സ്ഥാ​ന​മാ​യ റി​യാ​ദി​ലെ കിം​ഗ് ഖാ​ലി​ദ് അ​ന്താ​രാ​ഷ്ട്ര വി​മാ​ന​ത്താ​വ​ള​ത്തി​ൽ ഹൂ​തി​ക​ൾ ന​ട​ത്തി​യ ആ​ക്ര​മ​ണ​ത്തി​ൽ മൂ​ന്നു​പേ​ർ കൊ​ല്ല​പ്പെ​ട്ടു. മ​രി​ച്ച​വ​രി​ൽ പൈ​ല​റ്റും ഉ​ൾ​പ്പെ​ടു​ന്നു. ക്യാ​പ്റ്റ​ൻ ഹ​മൗ​ദ് അ​ലി അ​ൽ​ക​ൽ​ത​മി​യാ​ണ് കൊ​ല്ല​പ്പെ​ട്ട​തെ​ന്ന് സൗ​ദി​യ എ​യ​ർ​ലൈ​ൻ​സ് അ​റി​യി​ച്ചു. ആ​ക്ര​മ​ണ​ത്തി​ൽ വി​വി​ധ രാ​ജ്യ​ങ്ങ​ളി​ൽ നി​ന്നു​ള്ള നി​ര​വ​ധി പേ​ർ​ക്ക് പ​രി​ക്കേ​റ്റ​താ​യും റി​പ്പോ​ർ​ട്ടു​ക​ളു​ണ്ട്. വ്യാ​ഴാ​ഴ്ച​യാ​ണ് യെ​മ​നി​ലെ ഹൂ​തി വി​മ​ത​ർ റി​യാ​ദ് വി​മാ​ന​ത്താ​വ​ള​ത്തി​ന് നേ​രെ മി​സൈ​ൽ ആ​ക്ര​മ​ണം ന​ട​ത്തി​യ​ത്. ആ​ക്ര​മ​ണ​ത്തി​ന് പി​ന്നാ​ലെ വി​മാ​ന​ത്താ​വ​ള​ത്തി​ന്‍റെ പ്ര​വ​ർ​ത്ത​നം താ​ൽ​ക്കാ​ലി​ക​മാ​യി നി​ർ​ത്തി​വെ​ച്ചി​രു​ന്നു. ഇ​തോ​ടെ റി​യാ​ദി​ലേ​ക്കും തി​രി​ച്ചു​മു​ള്ള വ്യോ​മ​ഗ​താ​ഗ​തം മ​ണി​ക്കൂ​റു​ക​ളോ​ളം ത​ട​സ​പ്പെ​ട്ടി​രു​ന്നു. സു​ര​ക്ഷാ ഭീ​ഷ​ണി ക​ണ​ക്കി​ലെ​ടു​ത്ത് ഇ​ന്ത്യ​യി​ൽ നി​ന്നു​ള്ള വി​മാ​ന സ​ർ​വീ​സു​ക​ളും വി​വി​ധ ക​മ്പ​നി​ക​ൾ റ​ദ്ദാ​ക്കി. ഇ​ൻ​ഡി​ഗോ, എ​യ​ർ ഇ​ന്ത്യ, എ​യ​ർ ഇ​ന്ത്യ എ​ക്സ്പ്ര​സ് എ​ന്നീ വി​മാ​ന​ക്ക​മ്പ​നി​ക​ൾ സൗ​ദി അ​റേ​ബ്യ​യി​ലേ​ക്കു​ള്ള സ​ർ​വീ​സു​ക​ൾ റ​ദ്ദാ​ക്കി​യി​ട്ടു​ണ്ട്. 10 വ​രെ​യു​ള്ള സ​ർ​വീ​സു​ക​ളും മ​ട​ക്ക​യാ​ത്ര​ക​ളും ഇ​തി​ൽ ഉ​ൾ​പ്പെ​ടു​ന്നു. ടി​ക്ക​റ്റ് ബു​ക്ക് ചെ​യ്ത യാ​ത്ര​ക്കാ​ർ​ക്ക് മു​ഴു​വ​ൻ തു​ക​യും തി​രി​കെ ന​ൽ​കു​ക​യോ അ​ധി​ക നി​ര​ക്കി​ല്ലാ​തെ യാ​ത്ര പു​നഃ​ക്ര​മീ​ക​രി​ക്കു​ക​യോ ചെ​യ്യു​മെ​ന്ന് വി​മാ​ന​ക്ക​മ്പ​നി​ക​ൾ അ​റി​യി​ച്ചു. നേ​ര​ത്തെ ഡ​ൽ​ഹി​യി​ൽ നി​ന്ന് റി​യാ​ദി​ലേ​ക്ക് പു​റ​പ്പെ​ട്ട ര​ണ്ട് വി​മാ​ന​ങ്ങ​ൾ സു​ര​ക്ഷാ മു​ൻ​ക​രു​ത​ലി​ന്‍റെ ഭാ​ഗ​മാ​യി തി​രി​ച്ചി​റ​ക്കി​യി​രു​ന്നു. സൗ​ദി അ​റേ​ബ്യ​യി​ലെ സു​ര​ക്ഷാ സാ​ഹ​ച​ര്യം വി​ല​യി​രു​ത്തി​യ ശേ​ഷ​മാ​യി​രി​ക്കും സ​ർ​വീ​സു​ക​ൾ സാ​ധാ​ര​ണ നി​ല​യി​ലാ​ക്കു​ന്ന​തി​ൽ തീ​രു​മാ​ന​മു​ണ്ടാ​കു​ക.