ലണ്ടൻ: പ്രശസ്ത ബ്രിട്ടീഷ് എഴുത്തുകാരനും കൺസർവേറ്റീവ് പാർട്ടി നേതാവുമായിരുന്ന ജെഫ്രി ആർച്ചർ (86) അന്തരിച്ചു. തിങ്കളാഴ്ച ലണ്ടനിലെ വസതിയിൽവെച്ചായിരുന്നു അന്ത്യം. അദ്ദേഹത്തിന്‍റെ ഏറ്റവും പുതിയ നോവലായ ആദം ആൻഡ് ഈവ് പുറത്തിറങ്ങാനിരിക്കെയാണ് വിയോഗമെന്ന് പ്രസാധകരായ ഹാർപ്പർ കോളിൻസ് അറിയിച്ചു. ത്രില്ലർ നോവലുകളിലൂടെ ശ്രദ്ധേയനായിരുന്നു ആർച്ചർ. അഞ്ചു പതിറ്റാണ്ട് നീണ്ട സാഹിത്യരചനകളിൽ പിറന്ന കൃതികളുടെ 300 ദശലക്ഷത്തിലധികം കോപ്പികൾ ഇതിനകം വിറ്റഴിഞ്ഞിട്ടുണ്ട്. 1976-ൽ പുറത്തിറങ്ങിയ നോട്ട് എ പെന്നി മോർ, നോട്ട് എ പെന്നി ലെസ് എന്ന കന്നി നോവലും 1979-ൽ പുറത്തിറങ്ങിയ കെയ്‌ൻ ആൻഡ് ആബെൽ എന്ന പുസ്‌തകവും അദ്ദേഹത്തിന്‍റെ ജനപ്രീതി നേടിയ കൃതികളിൽ ചിലതാണ്. അവസാന നോവലായ ആദം ആൻഡ് ഈവ് പ്രസിദ്ധീകരിക്കാനിരിക്കെയാണ് അന്ത്യം സംഭവിച്ചത്. കൺസർവേറ്റീവ് പാർട്ടിയിലൂടെയാണ് അദ്ദേഹം രാഷ്ട്രീയരംഗത്ത് സജീവമായത്. കൺസർവേറ്റീവ് പാർട്ടിയുടെ മുൻ എംപിയായിരുന്നു. 1969-ൽ ലിങ്കൺഷയറിലെ ലൗത്ത് മണ്ഡലത്തിൽ നിന്ന് ആർച്ചർ എംപിയായി തെരഞ്ഞെടുക്കപ്പെട്ടത്.
