ദുബായി: യുഎഇയിലെ റെയിന്ബോ ഹോസ്പിറ്റാലിറ്റി ഗ്രൂപ്പിന്റെ ചെയര്മാനും മാനേജിംഗ് ഡയറക്ടറുമായ ജോണ്സണ് മാഞ്ഞൂരാന് (74) അന്തരിച്ചു. സംസ്കാരം ശനിയാഴ്ച ഉച്ചകഴിഞ്ഞ് 2.30ന് ഞാറയ്ക്കല് സെന്റ് മേരീസ് പള്ളിയില്. അര നൂറ്റാണ്ടായി യുഎഇയിലെ ഹോട്ടല് വ്യവസായ രംഗത്ത് പ്രവര്ത്തിച്ചുവരികയാണ്. 1973-ല് മുംബൈയില് തുടങ്ങിയ ഹോട്ടല് വ്യവസായം 1978-ലാണ് ഷാര്ജയിലേക്ക് മാറ്റുന്നത്. ഹോട്ടല് വ്യവസായ രംഗത്തെ യുഎഇയിലെ പയനിയേഴ്സ് അവാര്ഡ് ഉള്പ്പെടെ നിരവധി പുരസ്കാരങ്ങള് നേടിയിട്ടുണ്ട്. ഭാര്യ: എലിസബത്ത്. മക്കള്: മായ, ദീപ (ഇരുവരും ബിസിനസ് ), മരുമകൻ: നിഷാന്ത് ജേക്കബ് (ബിസിനസ് ). മൃതദേഹം ശനിയാഴ്ച രാവിലെ എട്ടു മുതല് ഞാറയ്ക്കല് മാഞ്ഞൂരാന് സെന്ററില് പൊതുദര്ശനത്തിന് വയ്ക്കും.
