തിരുവനന്തപുരം: മുൻ എംപി കെ.പി.ധനപാലന്റെ വിയോഗത്തിൽ മുഖ്യമന്ത്രി വി.ഡി.സതീശൻ അനുശോചനം രേഖപ്പെടുത്തി. അദ്ദേഹത്തിന്റെ വിയോഗം വ്യക്തിപരമായി തനിക്ക് വലിയൊരു നഷ്ടമാണ്. ഒരു ജ്യേഷ്ഠ സഹോദരനെയാണ് നഷ്ടപ്പെട്ടിരിക്കുന്നത്. പ്രതിസന്ധി ഘട്ടങ്ങളിലെല്ലാം കരുത്തായി അദ്ദേഹം തനിക്കൊപ്പം ഉണ്ടായിരുന്നുവെന്നും മുഖ്യമന്ത്രി അനുശോചിച്ചു. സൗമ്യമായ ഇടപെടലും ശാന്തമായ പെരുമാറ്റവുമായിരുന്നു അദ്ദേഹത്തിന്റേത്. ഏത് പ്രതിസന്ധിയിലും തളരാത്ത പോരാട്ടവീര്യവുമുള്ള അടിയുറച്ചൊരു കോൺഗ്രസുകാരനായിരുന്നു കെ.പി.ധനപാലനെന്ന് മുഖ്യമന്ത്രി അനുസ്മരിച്ചു. എറണാകുളം ജില്ലയിൽ കോൺഗ്രസിന്റെ പ്രധാന മുഖമായിരുന്നു കെ.പി.ധനപാലൻ. എപ്പോഴും എന്താവശ്യത്തിനും സമീപിക്കാവുന്ന നേതാവായിരുന്നു. ആറുവർഷം എറണാകുളം ഡിസിസി പ്രസിഡന്റായിരുന്നപ്പോഴും സാധാരണ പ്രവർത്തകരുടെ വികാരങ്ങൾ ഉൾക്കൊണ്ടാണ് അദ്ദേഹം പ്രവർത്തിച്ചത്. പാർലമെന്ററി രാഷ്ട്രീയത്തിലും അദ്ദേഹം തന്റേതായ വ്യക്തിമുദ്ര പതിപ്പിച്ചിട്ടുണ്ടെന്നും സതീശൻ പറഞ്ഞു.
