തീവ്ര വലതുപക്ഷ ആക്ടിവിസ്റ്റ് ടോമി റോബിൻസൺ നയിച്ച “യുണൈറ്റ് ദി കിംഗ്ഡം” റാലിക്ക് ലണ്ടൻ സാക്ഷ്യം വഹിച്ചു, കുടിയേറ്റ വിരുദ്ധ മുദ്രാവാക്യങ്ങൾ മുഴങ്ങിയ റാലിയിൽ 100,000-ത്തിലധികം പേർ പങ്കെടുത്തു. ലണ്ടനിൽ വൈറ്റ്ഹാളിൽ യൂണിയൻ ജാക്കുമായി പ്രതിഷേധക്കാരും പോലീസുമായി പലതവണ ഏറ്റ് മുട്ടി. പരിപാടിക്കിടെ നടത്തിയ പ്രസംഗങ്ങൾ വംശീയ ഗൂഢാലോചന സിദ്ധാന്തങ്ങളും മുസ്ലീം വിരുദ്ധ അഭിപ്രായങ്ങളും പ്രചരിപ്പിച്ചതായി ദി ഗാർഡിയൻ റിപ്പോർട്ട് ചെയ്തു. ബ്രിട്ടനിലെ ഏറ്റവും പ്രമുഖ തീവ്ര വലതുപക്ഷ വ്യക്തികളിൽ ഒരാളായ റോബിൻസൺ, ഇംഗ്ലീഷ് ഡിഫൻസ് ലീഗ് സ്ഥാപിച്ചിരുന്നു . സംസാര സ്വാതന്ത്ര്യത്തിന്റെ പ്രതിരോധമായാണ് മാർച്ച് സംഘടിപ്പിച്ചതെങ്കിലും തീവ്ര വലതുപക്ഷ രാഷ്ട്രീയക്കാർ ഉൾപ്പെടെയുള്ള പ്രഭാഷകരിൽ നിന്നുള്ള സന്ദേശങ്ങളിൽ ഭൂരിഭാഗവും കുടിയേറ്റത്തെ കേന്ദ്രീകരിച്ചായിരുന്നു.
