കുവൈത്ത്സിറ്റി : കുവൈറ്റിലെ മലങ്കരയിലെ സുറിയാനി സഭാമക്കള്ക്ക് ആരാധിക്കുവാനായി സെന്റ്. ജോര്ജ് ഇടവക സ്ഥാപിതമായിട്ട് അന്പത് വര്ഷം പിന്നിടുന്ന വേളയില്, ഇടവകയുടെ കാവല്പിതാവായ പരിശുദ്ധനായ മോര് ഗീവര്ഗീസ് സഹദായുടെ ഓര്മ്മപ്പെരുന്നാള് മെയ് മാസം 4,5 തീയതികളില് നടത്തുന്നു. ഇന്ന് വൈകിട്ട് 7 മണിക്ക് അബ്ബാസിയായിലുള്ള ഇടവകയുടെ പാര്സണേജില് സന്ധ്യാ നമസ്ക്കാരത്തോടുക്കൂടി പെരുനാള് ശുശ്രൂഷകള് ആരംഭിക്കും.വെള്ളിയാഴ്ച രാവിലെ എന്.ഇ.സി.കെയില് ബഹു.വൈദികരുടെ മുഖ്യകാര്മ്മികത്വത്തില് വി.മൂന്നിന്മേല് കുര്ബ്ബാന, പ്രദക്ഷിണം തുടങ്ങിയവ നടക്കുമെന്ന് ഇടവക വികാരി ഫാ. സ്റ്റീഫന് നെടുവക്കാട്ട് ,സെക്രട്ടറി എബ്രഹാം മാത്തന്,ട്രസ്റ്റി രഞ്ജിത്ത്കുരുവിള എന്നിവര് അറിയിച്ചു.
